REGLUR & SKILMÁLAR

Leikurinn stendur frá 10.06.20 – 13.08.20.

Framkvæmd leiksins er í höndum starfsfólks Innnes ehf.

Þátttakendur í leiknum þurfa að vera 16 ára að lágmarki þegar þeir taka þátt. Til að taka þátt í leiknum þarf þátttakandi að kaupa einhverja tegund af Prince Polo Classic súkkulaðistykki í verslun á Íslandi á tímabilinu sem leikurinn stendur. Þátttakendur þurfa að geyma kvittun fyrir kaupunum og taka mynd af henni til að geta tekið þátt í leiknum. Á myndinni skal sjást greinilega hvar varan var keypt (verslun) og hvenær (dagsetning). Þátttakendur þurfa að fylla inn upplýsingar í form á heimasíðu leiksins og senda myndina í gegnum formið á síðunni. Í formið þarf að fylla inn upplýsingar um fullt nafn og netfang þátttakenda. Þátttakendur geta einnig tekið þátt með því að senda mynd af kassakvittun og upplýsingar um nafn á netfang leiksins princepolo@innnes.is

Þátttakendum ber að gæta þess að upplýsingar sem þeir fylla inn á séu réttar. Innnes tekur ekki ábyrgð ef upplýsingar eru ranglega fylltar inn. Þegar upplýsingar og myndir af kassakvittunum hafa verið sendar inn á heimasíðu leiksins fær þátttakandi tölvupóst sem staðfestir móttöku myndarinnar. Þátttakendum er skylt að kynna sér reglur og skilmála leiksins áður en þeir taka þátt. Haka þarf í sérstakt box á heimasíðunni því til staðfestingar áður en upplýsingar og mynd af kassakvittun eru sendar.

5 aukavinningar eru Xiaomi Pro rafmagnshlaupahjól og hjálmar frá Símanum og 50 aukavinningar eru kassar af Prince Polo Classic XXL og kassar af Coca-Cola í gleri.

Vinningshafar verða dregnir út fimmtudagana 18.06.20, 02.07.20, 16.07.20, 30.07.20 og 13.08.20. Einn vinninghafi fær Xiaomi Pro rafmagnshlaupahjól og 10 kassa af Prince Polo Classic XXL og kassa af Coca-Cola í gleri í hvert skipti sem dregið verður út.

Vinninghöfum verður tilkynnt um vinninga í tölvupósti á fyrrnefndum dagsetningum. Nöfn vinninghafa birtast einnig á heimasíðu leiksins og Facebook síðu Prince Polo á Íslandi.

Aðalvinningur er 1 x 500.000* peningaverðlaun. Fimmtudaginn 13.08.20 verður aðalvinninghafi dregin út. Vinninghafinn fær tilkynningu um vinninginn senda í tölvupósti.

Nafn vinninghafans verður einnig tilkynnt á heimasíðu leiksins og á Facebook síðum Innnes og Prince Polo á Íslandi. 

Vinningshafar skulu vitja vinninga innan þriggja vikna frá því að tilkynning berst vinninghafa um vinning í tölvupósti. Vinninga sem ekki er vitjað innan þess tímaramma verður ráðstafað til góðgerðarmála. Vinninga er hægt að nálgast hjá Innnes í Fossaleyni 21, 112 Reykjavík og Fjölnisgötu 6a 603 Akureyri. Vinningar verða ekki sendir heim til vinningahafa. Framvísa þarf skilríkum við móttöku vinninga. Hverjum þátttakanda er heimilt að taka þátt eins oft og hann/hún vill en ekki er heimilt að senda inn mynd af sömu kassakvittun oftar en einu sinni.

Nöfn og netföng þátttakenda verða hvorki seld til þriðja aðila né notuð í markaðslegum tilgangi. Starfsfólk Innnes annast framkvæmd leiksins og er óheimilt að taka þátt í leiknum.

*Vinningar og verðlaun eru skattskyldar tekjur og bera tekjuskatt og útsvar eftir almennum reglum. Nánari upplýsingar hjá RSK.is.